Materialije

mjechki bul

hudźba

Přihot

Za tutu hru je wulka swobodna přestrjeń trěbna.

Přewjedźenje

Dźěći předstaja sej, zo je bul mjechka melona, kiž so kóždy wokomik rozpuknje. Tohodla kóžde dźěćo spyta, mjechku melonu na druhe dźěćo wotbyć. Jedne dźěćo so wuzwoli a dóstanje jako prěnje bul. Kubłarka zašaltuje hudźbu a wšitke dźěći, tež dźěćo z mjechkej melonu, so w rumje rozdźěla a wokoło běhaja. Hdyž kubłarka hudźbu hasnje, spyta dźěćo z melonu ju spěšnje wotbyć. Wone přićisnje bul sobuhrajerjej abo sobuhrajerce a zawoła: Milenka, popadń bul. Milenka mjechku melonu popadnje a ju spěšnje dale ćisnje. Wona zawoła: Felikso, popadń bul. Feliks bul popadnje, ale nadobo hudźba zaso zaklinči. Dokelž ma Feliks runje mjechku melonu w rukomaj, hdyž hudźba zasadźi, wón tutu hrajnu rundu wusadźi. Bul pak přićisnje sobuhrajerjej abo sobuhrajerce a zawoła: Tanja, popadń bul. Nětko dźe hra bjez Feliksa dale.

Jeli jedne dźěćo bul njepopadnje abo bul je runje w powětře, hdyž hudźba zaso zaklinči, je dźěćo, kotrež bulej najbliže steji, na rjedźe, bul spěšnje jednomu sobuhrajerjej abo sobuhrajerce přićisnyć.

Kóždy, kotryž ma bul runje w rukomaj, hdyž hudźba zaklinči, tutu hrajnu rundu wusadźi. Hra traje tak dołho, doniž njejstej jenož hišće dwě dźěsći wyše. Potom so zaso nowa runda ze wšěmi hrajerjemi započina.